April 9, 2024

ကြော်ငြာစာအမှတ် (၂/ ၂၀၂၄)

လျှောက်လွှာခေါ်ယူခြင်း

၁။      စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာ့စီးပွားရေးဘဏ်တွင် လစ်လပ်လျက်ရှိသော လုံခြုံရေး (၅) (လစာနှုန်းကျပ် ၁၆၂၀၀၀ – ၂၀၀၀ – ၁၇၂၀၀၀) ရာထူးနေရာများအတွက် လျှောက်လွှာ ခေါ်ယူခြင်းဖြစ်ပါသည်။

၂။       အထက်ဖော်ပြပါ ရာထူးနေရာအတွက် လျှောက်ထားသူသည် –

(က)    ပြည်ထောင်စုသမ္မတမြန်မာနိုင်ငံသားဖြစ်ရမည်။

( ခ )   အခြေခံပညာ အလယ်တန်းအောင်မြင်ပြီးသူ အမျိုးသားများသာဖြစ်ရမည်။

( ဂ )   အရပ် (၅) ပေ (၂) လက်မနှင့်အထက်ရှိပြီး ကိုယ်အလေးချိန် ပေါင် (၁၂၀) နှင့်အထက် ရှိသူဖြစ်ရမည်။

(ဃ)    ကျန်းမာရေးကောင်းမွန်ပြီး လုပ်ငန်းခွင်တွင် တက်ကြွစွာ ပါဝင်ဆောင်ရွက်လုပ်ကိုင်နိုင်သူ ဖြစ်ရမည်။

( င )   နယ်စပ်ဒေသအပါအဝင် ဒေသမရွေးသွားရောက်တာဝန်ထမ်းဆောင်နိုင်သူဖြစ်ရမည်။

( စ )   ရွေးချယ်ခန့်ထားခြင်းခံရပါက စတင်တာဝန်ထမ်းဆောင်ရသည့်ဒေသတွင် အနည်းဆုံး (၂) နှစ် တာဝန်ထမ်းဆောင်ရမည်။

(ဆ)    ၂၀၂၄ ခုနှစ်၊ ဇန်နဝါရီလ (၃၁) ရက်နေ့တွင် အသက် (၁၈) နှစ်ပြည့်ပြီး အသက် (၃၅) နှစ်ထက် မကျော်လွန်သူဖြစ်ရမည်။

( ဇ )   ဝန်ထမ်းအဖြစ်လုပ်ကိုင်ခဲ့ဘူးခြင်းမရှိသူဖြစ်ရမည်။

၃။      လျှောက်လွှာပုံစံများကို မြန်မာ့စီးပွားရေးဘဏ်၊ နေပြည်တော်ဘဏ်နှင့် သက်ဆိုင်ရာ တိုင်း​ဒေသကြီး/ ပြည်နယ်ရုံးများတွင်ရယူနိုင်ပြီး စာမေးပွဲဝင်ကြေးငွေ ကျပ် ၁၀၀၀/- (ကျပ်တစ်ထောင်တိတိ) ကို မိမိဖြေဆိုလိုသည့်စာစစ်ဌာန (နေပြည်တော်ဘဏ်၊ သက်ဆိုင်ရာ တိုင်းဒေသကြီး/ ပြည်နယ်ရုံး) များတွင် Sundry Deposit A/C Miscellaneous သို့ ပေးသွင်းရပါမည်။

၄။      လျှောက်လွှာပုံစံနှင့်အတူ အောက်ပါစာရွက်စာတမ်းများ ပူးတွဲပါရှိရပါမည် –

(က)    အခြေခံပညာအလယ်တန်းအောင်မြင်ကြောင်း ထောက်ခံစာမိတ္တူ (မိတ္တူမှန်ဖြစ်ကြောင်းလက်မှတ်ရေးထိုးရန်)

( ခ )   ပတ်စ်ပို့အရွယ်ဓါတ်ပုံ (၅) ပုံ

( ဂ )   (၁) လအတွင်းရယူထားသည့် အကျင့်စာရိတ္တကောင်းမွန်ကြောင်းနှင့် ပြစ်မှုကင်းရှင်းကြောင်း သက်ဆိုင်ရာရပ်ကွက်/ ကျေးရွာအုပ်ချုပ်ရေးမှူးရုံး၏ ထောက်ခံချက်မူရင်း

(ဃ)    သက်ဆိုင်ရာ ရဲစခန်းမှ (၁)လအတွင်း ရယူထားသည့် ပြစ်မှုကင်းရှင်းကြောင်း ထောက်ခံချက်မူရင်း

( င )   နိုင်ငံသားစိစစ်ရေးကတ်ပြားမိတ္တူ (မိတ္တူမှန်ဖြစ်ကြောင်းလက်မှတ်ရေးထိုးရန်)

( စ )   အလုပ်သမားမှတ်ပုံတင်ကတ်မိတ္တူ (မိတ္တူမှန်ဖြစ်ကြောင်းလက်မှတ်ရေးထိုးရန်)

(ဆ)    ဝန်ထမ်းအဖြစ် လုပ်ကိုင်ခဲ့ဖူးခြင်းမရှိကြောင်း ကိုယ်တိုင်ဝန်ခံချက်

၅။      တိုင်းဒေသကြီး/ ပြည်နယ်အတွင်းရှိ လုံခြုံရေး (၅)ရာထူးနေရာများအား အောက်ဖော်ပြပါ အရေအတွက်အတိုင်း ရွေးချယ်ခန့်အပ်သွားမည်ဖြစ်ပါသည် –

စဉ်	တိုင်းဒေသကြီး/ ပြည်နယ်	လုံခြုံရေး (၅) ရာထူး ခန့်ထားမည့်ဦးရေ
၁	ကချင်ပြည်နယ်	(၁) ဦး
၂	ကရင်ပြည်နယ်	(၁) ဦး
၃	ချင်းပြည်နယ်	(၃) ဦး
၄	စစ်ကိုင်းတိုင်းဒေသကြီး	(၅) ဦး
၅	တနင်္သာရီတိုင်းဒေသကြီး	(၂) ဦး
၆	ပဲခူးတိုင်းဒေသကြီး	(၁) ဦး
၇	မကွေးတိုင်းဒေသကြီး	(၂) ဦး
၈	မန္တလေးတိုင်းဒေသကြီး	(၈) ဦး
၉	မွန်ပြည်နယ်	(၃) ဦး
၁၀	ရန်ကုန်တိုင်းဒေသကြီး	(၁၅) ဦး
၁၁	ရှမ်းပြည်နယ်	(၆) ဦး
၁၂	ဧရာဝတီတိုင်းဒေသကြီး	(၁) ဦး
စုစုပေါင်း		(၄၈) ဦး

၆။      လျှောက်ထားသူများသည် လျှောက်လွှာကို မိမိလျှောက်လွှာရယူခဲ့သည့် ရုံးများသို့ (၁၃ – ၃ – ၂၀၂၄) ရက်နေ့ နောက်ဆုံးထား၍ လျှောက်ထားရန်ဖြစ်ပါသည်။

၇။      နိုင်ငံ့ဝန်ထမ်းဖြစ်ပါက လျှောက်လွှာအား သက်ဆိုင်ရာဝန်ကြီးဌာန/ အဖွဲ့အစည်း၏ ခွင့်ပြုချက်ဖြင့် လည်းကောင်း၊ မြန်မာ့စီးပွားရေးဘဏ်၊ ဌာနတွင်းဝန်ထမ်းဖြစ်ပါက လျှောက်လွှာအား သက်ဆိုင်ရာ ဌာနခွဲ/ တိုင်းဒေသကြီး/ ပြည်နယ်ရုံး၏ ထောက်ခံချက်ဖြင့်လည်းကောင်း (၁၃ – ၃ – ၂၀၂၄) ရက်နေ့ နောက်ဆုံးထား၍ လျှောက်ထားရန်ဖြစ်ပါသည်။

၈။      လျှောက်ထားသူများကို (၁၆ – ၃ – ၂၀၂၄) ရက်နေ့ နံနက် (၉) နာရီ၌ မြန်မာ့စီးပွားရေးဘဏ်၊ နေပြည်တော်ဘဏ်နှင့် သက်ဆိုင်ရာ တိုင်း​ဒေသကြီး/ ပြည်နယ်ရုံးများတွင် လူတွေ့စစ်ဆေးခြင်း ပြုလုပ်မည်ဖြစ်ပြီး ရွေးချယ်ခန့်ထားသည့်အမည်စာရင်းကို နေပြည်တော်ဘဏ်နှင့် သက်ဆိုင်ရာ တိုင်းဒေသကြီး/ ပြည်နယ်ရုံးများတွင် ထုတ်ပြန်ကြေညာသွားမည်ဖြစ်ပါသည်။

၉။      ဖြေဆိုခွင့်ကတ်ပြားများကို (၁၅ – ၃ – ၂၀၂၄) ရက်နေ့၌ မိမိလျှောက်ထားသည့် ရုံးများတွင် ထုတ်ပေးမည်ဖြစ်ပြီး ကာယကံရှင်ကိုယ်တိုင် နိုင်ငံသားစိစစ်ရေးကတ်ပြားမူရင်းနှင့်အတူ ရုံးချိန်အတွင်း ထုတ်ယူရန်ဖြစ်ပါသည်။

၁၀။    အသေးစိတ်အချက်အလက်များကို စုံစမ်းလိုပါက နေပြည်တော်ဘဏ်သို့ဖြစ်စေ၊ သက်ဆိုင်ရာ တိုင်းဒေသကြီး/ ပြည်နယ်ရုံးများသို့ဖြစ်စေ ရုံးချိန်အတွင်း ဆက်သွယ်စုံစမ်းမေးမြန်းနိုင်ပါသည်။

 

မြန်မာ့စီးပွားရေးဘဏ်